XALQARO ERKIN KASABA UYUSHMALARI KONFEDERATSIYASI

XALQARO ERKIN KASABA UYUSHMALARI KONFEDERATSIYASI — xalqaro kasaba uyushmalari markazi; 148 mamlakatdagi umumiy soni 157 milliondan ortiq a’zosi bo’lgan 226 milliy kasaba uyushma markazlarini birlashtiradi. 1949 yil dekabrda Londonda G’arbiy Yevropa kasaba uyushmalarining Amerika mehnat federatsiyasi bilan birgalikda o’tkazgan ta’sis s’yezdila asos solingan. Oliy organi Kongress 4 yilda 1 marta chaqiriladi. Kongresslar o’rtasida konfederatsiyaga Ijroiya qo’mita rahbarlik qiladi, u 2 yilda bir marta chaqiriladi. Qarorgohi Bryussel (Belgiya) shahrida joylashgan. Shuningdek, Jeneva, Nyuyork, Moskvada bo’limlari va Rim, Venada doimiy vakillari bor.