Xaltali bo’rsiqlar

Xaltali bo’rsiqlar, bandi kutlar (Peramilidae) — xaltali sut emizuvchilar oilasi. Tanasining uzunligi 17-50 santimetr, dumi 9-26 santimetr, vazni 4,7 kilogramm. Oldingi oyoqlarida 2-4 barmoqlari uzun va kuchli tirnoqli; orqa oyoqlaridagi 2 va 3 barmoqlari yopishib o’sgan bo’lib, faqat tirnoqlari ajralib turadi. Bu tirnoqlar yordamida yungini tozalaydi. Xaltasi tanasining keying qismida pastga qarab ochiladi. Xaltayailar orasida yo’ldoshga ega bo’lgan yagona vakil hisoblanadi. Embrioni xuddi haqiqiy yo’ldoshlilar singari implantasiya bo’ladi. 17-19 turi ma’lum. Avstraliya, Tasmaniya, Yangi Gvineya va boshqa orollarda tarqalgan. Quruqlikda sakrab harakatlanadi. Ko’pchiligi hasharotxo’r. Yilda 1 marta 2-8 bola tug’adi. Bo’g’ozlik davri qisqa — 12,5 kun. Ayrim Xaltali bo’rsiqlar terisi va go’shti uchun ovlangan. Soni juda kamayib ketgan.