XAYFO

XAYFO — Isroildagi shahar. Aholisi 214,9 ming kishi (2003). Transport yo’llari chorrahasi. Mamlakatning O’rta dengiz bo’yidagi muhim porti. Telaviv va Eylatdan neft quvurlari o’tkazilgan. Metallurgiya, neftni qayta ishlash, kimyo, to’qimachilik, oynashisha, tsement, oziq-ovqat sanoati korxonalari mavjud. Tayyor qismlardan avtomobil yig’iladi. Muzeylar bor. Salibchilar qal’asi qoldiqlari saqlangan.