Shamsiddin Eltutmish
Shamsiddin Eltutmish – Dehli sultonligi hukmdori (1211-36), g’ulomlar sulolasidan. Yoshligida Dexli sultonligi asoschisi Qutbiddin Oyboqning turk g’ulomi bo’lgan, keyinchalik bir qator viloyatlarning noibi (muqta) etib tayinlangan. Sultonlikka Panjob va Sindni qo’shib olgan va hind knyazlari bilan muvaffaqiyatli urushlar olib borgan. 1229 yil Bag’dod xalifasi tomonidan mustaqil hukmdor (Sulton) deb e’tirof etilgan. Shamsiddin Eltutmish davrida Dehlida yirik diniy inshootlar qurilishi olib borilgan.