To’rayev Jo’raqul

To’rayev Jo’raqul (1922.20.3 hozirgi Jizzax tumani — 1998.10.8) — 2-jahon urushi qatnashchisi. 46-yengil artilleriya brigadasi, 1007-polki, 2-batareyasining to’p navodchigi, kichik serjant. Brest oblastining Goroxovishche qishlog’idagi jangda jasorat ko’rsatganligi uchun Kaxramon unvoni berilgan (1944 yil 29 mart). 1945 yil Podolsk artilleriya bilim yurtini tugatgan. Mayor To’rayev 1953 yildan zaxirada. Jizzax rayon partiya qo’mitasi instruktori (1954 -59), shu rayon kolxozlarida rais muovini (1959-62), shahar maishiy xizmat ko’rsatish kombinati direktori (1970— 74), Jizzax viloyati remont qurilish boshqarmasi ta’minot bo’limining boshlig’i (1974 yildan). Jizzax shahar ko’chalaridan biri To’rayev nomi bilan ataladi.