ZAGREB UNIVERSITETI

ZAGREB UNIVERSITETI – Xorvatiyadagi yirik oliy o’quv yurtlaridan biri. 1669 yil falsafa-teologiya oliy maktabi sifatida Lepoglav shahrida tashkil topgan. Keyinchalik Zagreb shahriga ko’chirilgan. 1874 yilda universitet maqomini olgan. Falsafa, xuquqshunoslik, iqtisod, tabiiy fanlar, matematika, tibbiyot, me’morlik va boshqa ixtisosliklar bo’yicha mutaxassislar tayyorlaydi. Bir nechta ilmiy tadqiqot instituti, kutubxonasi (17-asrda tashkil etilgan, 1 milliondan ortiq asar) bor. 40 mingdan ortiq talaba ta’lim oladi.