YORIQTISHLILAR

YORIQTISHLILAR (Solenodontidae) — tuban hasharotxo’rlar oilasi. Yuqori va o’rta oligosendan ma’lum. Oyoqlari beshbarmokli, old oyoqlari bilan tovonda, orqa oyoqlari bilan barmoqda yuradi. Qo’ltig’i va chovlari ostida kuchli hidli suyuklik ajratadigan bezlari bo’ladi. Zaharli so’lak ajratadigan jag’osti bezining yo’li ikkinchi kurak tishi asosiga ochiladi. Bu tishning old yuzasida tarnovchasi (yorig’i) bo’ladi (nomi shundan olingan). Uzunligi 28-32 santimetr, dumi 17,5—25,5 santimetr, 1 urug’ 2 turi: Gaiti yoriqtishi (Solenodon paradous) va Kuba yoriqtishi (S. cubanus) Gaiti va Kuba orolida tarqalgan. O’rmon va butali chakalakzorlarda yashaydi. Har yili 3 tadan bolalaydi. Ikkala tur ham Xalqaro qizil kitobga kiritilgan.