BOLASOG’UN

BOLASOG’UN — o’rta asrlardagi yirik shahar (7-14-asrlar). Qadimgi Yettisuv viloyatining markazi. Uning xarobalari To’qmoq shahri (Qirg’iziston) ning Janubi g’arbida, 12 kilometr masofa (Chu vodiysi) da joylashgan. Tarixda Go’baliq (“Yaxshi shahar”), ba’zan Ko’zbaliq, Qo’z ulush, Xosun ordu (kuchli O’rda) deb ham atalgan. Bolasog’un 11-12-asr 1-yarmigacha Qoraxoniylarda 12-asr 2-yarmidan qoraxitoylarning poytaxti. 14-asrdagi o’zarourushlar natijasida vayron bo’lgan. Maxmud ibn Valinit “Bahr ulasror” asarida yozilishicha, Bolasog’unda 12-asrda 40 ta jome va 200 ta kichik masjid, 20 ta xonaqo bo’lgan. A. N. Bernshtam olib borgan arxeologik qazishlar natijasida shahar chekkasida 7-8-asrlarga oid budda ibodatxonasi topilgan.