“YANGI SHARQ”

“YANGI SHARQ” — ijtimoiy-siyosiy, adabiy, rasmiy gazeta. 1919 yil 1 iyuldan 1921 yilning boshlarigacha Farg’ona shahrida chop etilgan. Dastlab haftada 2 marta, 1919 yil sentyabrdan 1 marta chiqqan. Noshiri — dastlab Farg’ona viloyat muzofot milliy ishlar mudiriyati, so’ngra viloyat musulmonlar byurosi. Gazeta Cho’lponning “Yangi Sharq” she’ri bilan ochilgan. “Yangi Sharq”da jamiyat hayotidagi o’zgarishlar, fuqarolar urushi, maorif, til va adabiyot, madaniy hayotga oid maqolalar, she’rlar e’lon qilingan. Cho’lpon, Nazir To’raqulov, T.QoriNiyoziy, Laziz Azizzoda, Abdulla Begiy, Hodi Fayziy va boshqalar ijodkorlarning she’r va maqolalari bosilgan. Gazetaga Hodi Fayziy, Nazir To’raqulov va boshqalar muharrirlik qilganlar. Jami 100 soni chiqqan.