Umarov Akrom

Umarov Akrom (18991956) samarqandlik ganchkor usta, me’mor. Hunarni otasi usta Umar va Abduqodir muhandis (Abduqodir Boqiev)dan o’rgangan. 1928 yildan Samarqanddagi me’moriy obidalarni tiklash bilan shug’ullangan; Sherdor madrasa (devori va peshtog’i), Tillakori va Ulug’bek madrasalarining minoralarini tiklashda qatnashgan; Shohizinda ansamblidagi Qo’shgumbaz maqbarasi, Amir Temur maqbarasi poygumbazi va gumbazi ustini koshinlar bilan to’liq qoplagan. Buxoro va Shahrisabzdagi me’moriy obidalarni ta’mirlashda qatnashgan.