Category: J harfiga oid pedagogikaga oid ensiklopedik atamalar

Jumboq ko’chasi – guruhlar e’tiboriga huquqiy mazmundagi rebus yoki krossvord (boshqotirmalar)larni yechish vazifasi yoki jadval mazmunini yoritish topshiriladigan didaktik o’yin turi.

Jonli burchak-maktabda tashkil etilgan tirik mavjudotlar burchagi.

Joriy nazorat-o’rganilayotgan mavzularni o’quvchi – talabalar tomonidan qanday o’zlashtirayotganini muntazam ravishda dars jarayonida nazorat qilishdan iborat usuli.

Jismoniy tarbiya o’quv predmeti – o’quvchi salomatligini mustahkamlash, jismoniy qobiliyatini rivojlantirishga qaratilgan o’quv predmeti.

Jismoniy tarbiya o’qitish metodikasi – 1) jismoniy tarbiya ta’limi nazariyasi hamda metodikasi bo’yicha talabalarga muayyan bilim, ko’nikma, malakalar hosil qilishga yo’naltirilgan o’quv fani; 2) jismoniy tarbiya o’qitish metodikasi xususiy pedagogikaning … Read More

Jismoniy tarbiya Davlat ta’lim standarti – jismoniy tarbiya ta’lim mazmuni va ushbu o’quv predmeti bo’yicha o’quvchilar egallaydigan bilim, ko’nikma, malakalarga qo’yilgan talabalarni davlat tomonidan tasdiqlangan etaloni, modeli.

Jismoniy tarbiya-insonni jismoniy kamolotga erishishiga yo’naltirilgan pedagogik jarayon.

Jismoniy mashqlar – jismoniy tarbiya vazifalarini hal etish vositasi.

Jismoniy madaniyat – 1) umuminsoniy madaniyatning bir qismi, inson salomatligini mustahkamlash, jismoniy qobiliyatini rivojlantirishga qaratilgan ijimoiy faoliyat sohasi; 2) oliy o’quv yurtlaridagi o’quv fanining nomi.

Jinsiy tarbiya-jismoniy, estetik va axloqiy nuqtai nazardan yoshlarni to’g’ri jinsiy rivojlanishga yo’llash jarayoni.