Category: M harfiga oid pedagogikaga oid ensiklopedik atamalar

Moddiy-texnika ta’minoti-o’quv-tarbiya muassasalarini zarur uskunalar, inventarlar, ashyolar, ta’limning texnikaviy, dasturiy va didaktik vositalar bilan jihozlash, ta’lim jarayonini kompyuterlashtirish, ta’lim muassasalarini capital ta’minlash.

Mnemonika-maxsus chizma va shartli belgilar yordamida muayyan tushuncha va ma’lumotlarni eslab qolish.

Milliy g’oya-millatning o’tmishi, buguni va istiqbolini o’zida mujassamlashtirgan, uning tub manfaatlari va maqsadlarini ifodalab, taraqqiyotga xizmat qiladigan ijtimoiy g’oya shakli.

Milliy g’urur-shaxs, ijtimoiy guruhning milliy o’z-o’zini anglashi asosida shakllanadigan, ajdodlari qoldirgan moddiy, ma’naviy merosdan, o’z xalqining jahon tsivilizatsiyasiga qo’shgan hissasi, o’zga millatlar oldidagi qadr-qimmati, obro’-e’tiboridan faxrlanish hissini ifodalovchi tushuncha.

Milliy model-“Kadrlar tayyorlash milliy dasturi”ning o’zagini tashkil etuvchi yaxlit tizim.

Milliy qadriyatlar-millat uchun muhim, jiddiy ahamiyatga ega bo’lgan jihat va xususiyatlar yig’indisi.

Mikrotexnologiya-o’zaro va individual ta’sirga hamda tor hajmdagi tezkor topshiriqlarni hal etishga qaratilgan texnologiya.

Milet maktabi – yunon ilmiy-falsafiy maktabi.

Mikrota’lim-o’quv materiali bo’limlarining kichik qismlarini ma’lum ketma-ketlikda ishlab chiqarishga tatbiq etish tizimi.

Mehribonlik uylari-yetim va ota-onalarining yoki boshqa qonuniy vakillarining vasiyligisiz qolgan bolalar uchun davlat tomonidan ochilgan ta’lim-tarbiya muassasasi.