Category: T harfiga oid tarixga oid ensiklopedik atamalar

To’qsobo-harbiy unvon. XVI-XVIII asrlarda O’rta Osiyo xonliklarida xon bayrog’ini qo’riqlagan maxsus harbiy qism boshlig’i. XIX asrda esa umuman bir polkdan iborat bo’lgan harbiy qism boshlig’i.

To’shakchi-xon va podshoh hamda mirza va sultonlarning saroy xizmatchisi. Uning zimmasiga hukmdorning ko’rpa-to’shagi va boshqa yotish-turish anjomlarini tasarruf qilish vazifasi yuklatilgan.

To’fang-chaqmoqtosh yordamida otadigan pilta miltiq. Tarixiy manbalarda keltirilgan ma’lumotlarga qaraganda, bunday miltiqlar O’rta Osiyoda XVI asrdan boshlab qo’llanilgan.

To’ra-Buxoro amirligida amir o’g’illariga amda Turkiston o’lkasida podsho ma’murlari nomiga hurmat yuzasidan qo’shib aytilgan atama.

To’ra-rasmu odat, qonun, ayniqsa Chingiz qonunlari.

To’pchiboshi-harbiy lavozim. O’rta Osiyo xonliklarida harbiy ishlarni boshqargan shaxs. Buxoro amirligida ikkita to’pchiboshi unvoni bo’lgan: biri “to’pchiboshiyi lashkar” nomi bilan atalib, Buxoro garnizonining boshlig’i bo’lgan. Uni “vaziri harb” – harbiy … Batafsil

To’pxona-XVIII-XX asrlarda O’rta Osiyo xonliklarida to’plar va boshqa qurol-aslahalar saqlanadigan joy nomi.

To’lg’ama-o’rta asrlarda mo’g’ul va turklar, xususan ko’chmanchi o’zbeklar tarafidan qo’llanilgan maxsus harbiy taktika. Bunda saf tortib turgan dushman qo’shiniga kutilmaganda yon tarafdan aylanib o’tib hujum qilingan.

Tug’chiboshi-harbiy qism bayrog’i (tug’i)ni olib yuruvchi va qo’riqlovchi otryad boshlig’i. O’rta asrlarda mo’g’ul va turkiy xalqlarda xon qo’shinini tashkil etgan har bir qabila alohida harbiy qism hisoblanib, o’z bayrog’iga ega … Batafsil

Tug’chi-tug’ni ko’tarib yuruchi askar; u bayroqdor yoki alambardor deb ham atalgan.