Category: X harfiga oid iqtisodiy ensiklopedik atamalar

XALQARO MARKETING – tashkilot joylashgan mamlakat hududidan tashqaridagi tovarlar va xizmatlar marketingi.

XALQARO KREDIT MUNOSABATLARINING SUBYEKTLARI – tijorat banklari, markaziy banklar, davlat organlari, yirik korxonalar, regional va xalqaro moliya-kredit tashkilotlari qatnashadi.

XALQARO KAFOLATLAR – tovarlar va kapitallar harakatining uzluksiz va doimiy harakat qilinishi ta’minlanishiga xizmat qilib, Markaziy banklar, tijorat banklari, korporatsiyalar, hukumat va xalqaro tashkilotlar tomonidan beriladi.

XALQARO KREDIT – bir davlat, shu davlat banki, huquqiy shaxsi tomonidan ikkinchi bir davlatga, uning banklariga, boshqa huquqiy shaxslariga muddatlilik va to’lovlilik asosida beriladigan kreditdir.

XALQARO ISHLAB CHIQARISHNING IXTISOSLASHUVI – mamlakatlar o’rtasidagi mehnat taqsimoti ko’rinishi bo’lib, unda o’zlarining ichki ehtiyojlaridan ortiqcha bir turdagi mahsulotlar tayyorlash bilan shug’ullanuvchi milliy ishlab chiqarishlarning tabaqalanishi yuz beradi.

XALQARO ISHLAB CHIQARISH KOOPERASIYASI – ishlab chiqarish bosqichlarining o’zaro bir-birini to’ldirishi va ularni muvofiqlashtirish maqsadida milliy iqtisodiy komplekslarning hamkorlik qilishi.

XALQARO IQTISODIY TASHKILOTLAR – ikki turdagi – ishtirokchilari bevosita davlatlardan iborat hukumadararo (davlatlararo) hamda tarkibiga ishlab chiqaruvchilar birlashmalari, kompaniya va firmalar, ilmiy jamiyatlar va boshqalar kiruvchi nohukumat tashkilotlari.

XALQARO IQTISODIY MUNOSABATLAR – mamlakatlar va hududlar o’rtasidagi, xalqaro tashkilotlar va korporatsiyalar ishtirokidagi xo’jalik aloqalari tizimi.

XALQARO IQTISODIY ALOQALAR (XIA) – xalqaro mehnat taqsimotiga asoslangan turli milliy iqtisodiyotlar o’rtasidagi xo’jalik aloqalari tizimi. XIA xalqaro savdo, ilmiy-texnik, ishlab chiqarish, valyutamoliya va kredit aloqalarida o’z aksini topadi.

XALQARO HISOB-KITOBLAR – tashqi savdo, kapitallar va kreditlarning harakati bilan bog’liq valyutaviy operatsiyalar, valyutada oldi-sotdi qilish operatsiyalari va boshqa tovarsiz harakatdagi operatsiyalar majmuyi tushuniladi.