Profilaktoriy

Profilaktoriy — davolash-Profilaktika muassasasi. Aholini ishdan ajralmagan holda davolaydi, dam olish uchun sharoit yaratadi. Yirik ishlab chiqarish korxonalari qoshida kasaba uyushmasi tashkilotlari tomonidan tashkil qilinadi. Profilaktoriyga kunduzgi (kechasi ishlaydiganlar uchun), tungi (kunduzi ishlaydiganlar uchun) sanatoriylar, parhez oshxonalari va boshqalar kiradi. Profilaktoriy ish qobiliyatini saqlashga, kasalliklar kamayishiga imkon beradi. Umumiy terapiya (ichki kasalliklarni davolaydigan) va, maxsus ixtisoslashtirilgan (asosan, ma’lum bir kasalliklar, masalan, silni davolaydigan) Profilaktoriylar bor. Profilaktoriyda davolanish uchun beriladigan yo’llanma bepul yoki chegirilgan miqdorda bo’ladi.