Hoshimov Hokimjon

Hoshimov Hokimjon (1915.23.3, Toshkent shahri) — Xalq o’qituvchisi (1991), O’zbekistonda xizmat ko’rsatgan o’qituvchi (1959). Toshkent pedagogika institutini tugatgan (1939). 1936 yildan «o’qituvchilar gazetasi»da adabiy xodim, mas’ul kotib, 1947 yildan Toshkent shahri Sobir Rahimov tumanidagi 22-maktabda ona tili va adabiyot o’qituvchisi, 1948-2001 yillarda maktab direktori. Hoshimov haqida O’zbekiston televideniesi tomonidan «umr mazmuni» hujjatli filmi tayyorlangan. «Shuhrat» medali bilan mukofotlangan (1994).