Qizilbosh shpanka

Qizilbosh shpanka — malhamchilar oilasiga mansub qo’ng’iz. Tanasining uzunligi 10-20 millimetr. Ustqanoti kulrangqora bo’lib, chetlari va o’rtasida, shuningdek, choki bo’ylab oq yo’l o’tgan. Boshi sarg’imtirqizil. Oyoqlari ingichka, uzun. Dukkakli o’simliklar va boshqalar ekinlar zararkunandasi bo’lishi bilan birga entomofag hamdir. Paxta ekiladigan rayonlarda, ko’proq bedapoyalarda uchraydi. Ko’p miqdorda paydo bo’lganida beda hamda boshqa o’simliklar bargi bilan oziqlanib, jiddiy zarar yetkazadi. Qizilbosh shpanka lichinkasi esa chigirtkalar tuxumi bilan oziqlanadi va ular sonini 20% gacha kamaytirib, katta foyda keltiradi. Kurash choralari: hasharotlarni terib yo’q qilish; Qizilbosh shpanka juda ko’paygan yerlarga do’stlar bilan ishlov berish.