ASALDARAKCHILAR

ASALDARAKCHILAR (Indicatoridae) -qizilishtonlar turkumi oilasi. 11 tacha turi bor. Afrika va Janubiy-Sharqiy Osiyoda tarqalgan. Asaldarakchilar chumchuqdan kattaroq bo’lib, o’rmonlarda yashaydi. Ko’p turlari hasharotlar va ba’zi turlari asalari lichinkalari, g’umbaklari va mumi bilan oziqlanadi. Terisi qalin bo’lgani uchun asalarining chaqishi ularga ta’sir etmaydi. Asaldarakchilar tuxumini boshqa kushlar iniga qo’yadi. Jo’jalari yuqori va pastki jag’laridagi tishga o’xshash o’simtasi yordamida in egasining jo’jalarini o’ldiradi. Asaldarakchilarning o’zi asalari uyasiga yetolmaydi, ular ari uyasi yaqinida chirillab, o’rmonda yurgan odam yoki asalxo’r hayvon e’tiborini tortadi. Asaldarakchilar odam yoki hayvon buzgan uyadagi asal qoldiqlari va mum bilan oziqlanadi.