Lak-bo’yoq materiallari

Lak-bo’yoq materiallari – yupqa qatlamda ishlov beriladigan sirtlarga qo’llaniladigan yopishqoq-suyuq, quriganidan keyin asosga mustahkam yopishib, qattiq plyonka hosil qiluvchi material. Lak-bo’yoq materiallariga-qurilish bo’yoqlari, laklar, bog’lovchi mahsulotlar va pigmentlar, lak va bo’yoqlarni erituvchi va suyultiruvchilar, qurituvchi, shpatlyovka, gruntovka, qotiruvchi, moylovchi, polimer bo’yoq plastifikatorlari va boshqa maxsus qo’shimchalar tegishli.