O’GI BEGI XONIM

O’GI BEGI XONIM (asl ismi Tag’ayshoh) (? — 1382) — Amir Temurning katta qizi. Onasi Turmush Og’o. Sharafudsin Ali Yazdiyning yozishicha, O’gi begi xonim husn bobida tengi yo’q, aqlidroqda benazir bo’lgan. Amir Temur bu qizini yaxshi ko’rgan va o’ziga yaqin tutgan. O’gi begi xonimni Amir Musoning o’g’li Muhammadbekka nikoh qilganlar. O’gi begi xonim Muhammadbekdan bir o’g’il tuqqan, ismi Sulton Husayn Mirzo. 1382 yilda O’gi begi xonim bedavo kasalliqdan vafot etgan.