BOZORBOYEV JUMANAZAR

BOZORBOYEV JUMANAZAR (1933.13.11, Mo’ynoq tumani) — faylasuf olim. O’zbekiston Fanlar Akademiyasi akademik. (2000), O’zbekistonda xizmat ko’rsatgan fan arbobi (1994), Qoraqalpog’istonda xizmat ko’rsatgan fan arbobi (1970), falsafa fanlari Doktori (1973), professor (1978) Qoraqalpog’iston davlat pedagogika instituti tabiatshunoslik fakultetini tugatgan (1955). O’zbekiston Fanlar Akademiyasi Qoraqalpog’iston filialida ishlagan (1968-80), Qoraqalpogiston davlat universiteti professor (1976-80), kafedra mudiri (1980-89). Qoraqalpog’iston Respublikasi Xalq ta’limi vaziri (1989-90). Nukus davlat pedagogika instituti rektori (1991 yildan). «O’zbekcha-qoraqalpoqcha lug’at», «Odobnoma» kitoblari, estetika, din tarixiga oid asarlar muallifi. «Qaraqalpaqstan mug’allimi» jurnali bosh muharriri (1991 yildan). Amir Temur jamg’armasi Qoraqalpog’iston Respublikasi bo’limining boshlig’i. Berdaq nomidagi Qoraqalpog’iston Respublikasi Davlat mukofoti laureati (1996).