O’TEMUROTOV SHOMUROT

O’TEMUROTOV SHOMUROT (1929.1.6, Qoraqalpog’iston, Taxtako’pir tumani) — qoraqalpoq aktyori. O’zbekiston xalq artisti (1977). Toshkent teatr va rassomlik san’ati institutini tugatgan (1955). 1955 yildan Qoraqalpoq davlat musiqali teatrida aktyor. O’temurotov, asosan, komik rollar ustasi sifatida tanilgan. Sattor (J.Oymurzayev, «Ravshan»), Xon (Sh. Husayinov, «Aldarko’sa»), Elbrus (G. Xugaev, K.Pliyev, «Xotinimning eri»), Sudya (G.Gorin, «Oti o’chsin»), Doshum (S.Xo’janiyozov, «Suymaganga suykanma») kabi obrazlarda aktyor mahorati namoyon bo’ldi. O’tkir xarakterli hamda samimiy kulgi uyg’otuvchi rollar bilan bir qatorda chuqur dramatik obrazlari («Kelin»da Darimbet, «Yaralangan yuraklar»da Sapar ota va boshqalar) bilan ham tanildi.