CHUMOLIXO’RLAR

CHUMOLIXO’RLAR (Myrmecophagidae) — chala tishlilar turkumiga mansub sut emizuvchilar oilasi. 3 uruqqa mansub 3 turi bor: katta Chumolixo’rlar (gavdasi 100— 120 santimetr, dumi 60-90 santimetr, og’irligi 18-23 kilogramm), tamandua (gavdasi 55 santimetrcha, og’irligi 3-5 kilogramm), kichik Chumolixo’rlar (gavdasi 18 santimetrcha, dumi 20 santimetrcha, og’irligi 0,5 kilogrammcha). Katta Chumolixo’rlarning yelkasi va dumidagi tuklar juda uzun (40 santimetrcha), tumshug’i naysimon, tishlari yo’q; oldingi oyoqlaridagi tirnog’i mustahkam, ilmoqsimon qayrilgan. Tamandua va kichik Chumolixo’rlar dumi tuksiz. Chumolixo’rlar okshomda va tunda faol. Asosan, chumoli va termitlar uyasini buzib, ularni yopishqoq uzun (60 santimetrcha) tili bilan tutib yeydi. Yilda bitta bola tug’adi. Chumolixo’rlar Meksikadan Boliviyagacha bo’lgan joylarda, Braziliya va shimoliy Argentinaning tropik o’rmonlari hamda butazor dashtlarida tarqalgan. Katta Chumolixo’rlar kamayib ketgani uchun muhofazaga olingan.