DASTORGUL

DASTORGUL (Bellis perennis) — qoqidoshlar oilasiga mansub ko’p yillik o’t. Poyasi 10-15 santimetr, uchi gul savatchalari bilan tugaydi. Barglari poyaning ostki qismida joylashgan. Guli oq, och qizil va pushti. O’zbekistonda sug’oriladigan yerlarda o’sadi. Yovvoyi holda Yevropada, Rossiyada, Kavkazda, kichik Osiyo va shimoliy Amerikada uchraydi. Manzarali o’simlik sifatida ham ekiladi. Dastorgul erta bahordan kuzgacha gullab turadi. Dastorgul tarkibida efir moyi, saponinlar, oshlovchi moddalar, antoksantin, shilimshiq va organik kislotalar bor. Xalq tabobatida o’pka kasalliklarida, qon ketganda va teriga toshmalar toshganda qo’llaniladi.