DILA

DILA — 1) eshik chorcho’pi orasidagi taxtacha; 2) bezak san’atida yaratiladigan naqsh mujassamoti. To’g’ri to’rtburchak yoki murabba hoshiya ichiga ishlanadi. Jumladan bag’dodi eshik tabaqalarida chorcho’p orasiga ishlanadi: bunda eshik tabaqasining o’rtasida to’g’ri to’rtburchak, yuqori va quyi qismida murabba taxtaga naqsh (girih) ishlanib chorcho’pga o’rnatiladi (naqsh mujassamoti ishlangan taxtaning atrofi 3-4 santimetr kenglikda 1-2 santimetr yupqaroq qilinib chorcho’p bilan mixsiz biriktiriladi).