DINGO

DINGO (Canis dingo) — itsimonlar oilasiga mansub yirtqich sut emizuvchi hayvon. Avstraliyada tarqalgan. Bo’yi va tuzilishi nemis ovcharkasiga o’xshaydi. Tanasining uzunligi 90-100 santimetr. Juni oqsariq, kulrang-qoramtir. O’rmon, tog’lardagi butazorlar va dashtlarda tuda bo’lib yashaydi. Tungi hayvon. Tinch okean orollaridan keltirilib, keyinchalik yovvoyilashib ketgan itning kenja turi bo’lishi mumkin degan taxminlar mavjud. Ba’zi kemiruvchilar va ko’rshapalaklarni hisobga olmaganda Dingo Avstraliyadagi yuksak sut emizuvchilarning yagona vakilidir. Turli yovvoyi va uy hayvonlari bilan oziqlanib, chorvachilikka katta zarar yetkazadi.