EHTIMOLLIK

EHTIMOLLIK (matematikada) — tasodifiy hodisaning muayyan, istalgancha ko’p marta takrorlanishi mumkin bo’lgan shartlarda ro’y bera olishi darajasining miqdoriy xarakteristikasi. «Ehtimollik» tushunchasi ommaviy tusdagi jarayonlarning hodisalari uchun xarakterli bo’lgan maxsus tur bog’lanishlar va munosabatlarni aks ettiruvchi falsafiy kategoriyadir. Ehtimollikning «klassik» ta’rifiga ko’ra, u shu hodisa uchun «qulay» imkoniyatlar sonining barcha «teng imtiyozli» imkoniyatlar soniga nisbatiga teng.