HIM’YARIYLAR PODSHOLIGI

HIM’YARIYLAR PODSHOLIGI — Janubiy Arabistondagi davlat. Miloddan avvalgi 1-asrda vujudga kelgan. Milodiy 1-asrdan Janubiy Arabistonda hukmronlik mavqeiga ega bo’lish uchun Saba bilan kurashga kirishgan. 4-asr boshida Janubiy Arabistonning butun hududini bo’ysundirgan. 6-asr boshida efioplar (habashlar), 6-asrning 70-yillarida Sosoniylar tomonidan bosib olingan.