XARIUSLAR

XARIUSLAR (Thymallidae) losossimon baliqlar turkumining oilasi. Uzunligi 25-30 santimetr, vazni 500 gramm, ba’zan undan ortiqroq. Tanasi qalin tangachalar bilan qoplangan. Orqa suzgichi uzun, ko’pincha chiroyli rangli. Yon chiziqlari, jag’lari rivojlangan. Yevropa, Shimoliy Osiyo va Shimoliy Amerika daryolarida yashaydi. 1 urug’i 6 turi ma’lum. O’rta Osiyo daryolarida uchramaydi. Odatda, tubi shag’al toshli daryolarda tarqalgan. Hasharotlar va ular lichinkasi, qisqichbaqasimonlar, mollyuskalar, mayda balikdar bilan oziqlanadi. 3— 4 yilda voyaga yetadi. May — iyunda shag’al toshli suv tubiga 3-36 ming uvildiriq tashlaydi. Xariuslar mahalliy aholi tomonidan va sport maqsadida ovlanadi.