AGA

AGA, Amerika qurbaqasi, gov-qurbaqa (Bufo marinus) — suvda va quruqlikda yashovchilar sinfi — dumsizlar turkumiga mansub eng yirik qurbaqa. Tanasining uzunligi 25 sntimetrdan ortiq, eni 12 santimetrga yaqin. Terisi qo’ng’ir yoki kulrang tusda, qora dog’lari bor, qorin tomoni oqish. Janubiy va Markaziy Amerikada hamda Antil orollarida tarqalgan. Aga kunduzi pana joyda yashirinib yotadi, kechqurun va tunda ov qiladi. Hasharotlar, mollyuskalar, chuvalchanglar va ayrim mayda umurtqali hayvonlar bilan oziqlanadi.