AKVINK

AKVINK — Rim imperiyasi davridagi (miloddan avvalgi 10 — milodiy 409) shahar, milodiy 107 yildan Rimning quyi Pannoniya provintsiyasi bosh shahri. Akvink xarobalari Budapesht (Vengriya) yaqinida joylashgan. 1775 yildan qazishma ishlari olib boriladi. Hunarmandlar yashaydigan mahallalar, amfiteatr, mudofaa devori, ibodatxonalar, shuningdek quyi Pannoniya noibining sahni naqshinkor saroyi ochilgan.