AKROMOV

AKROMOV Toshxo’ja (1936.23.5, Toshkent) —kinorejissyor. O’zbekistonda xizmat ko’rsatgan san’at arbobi (1983). Toshkent davlat san’at institutini tugatgan (1957). Hamza teatrida aktyor (1955— 62), «O’zbekfilm»da rejissyor yordamchisi, rejissyor (1962-68), «O’zbektelefilm»da rejissyor (1968-79), 1979 yildan O’zbekiston ilmiy-ommabop va hujjatli filmlar kinostudiyasida rejissyor. Akromov 10 dan ortiq badiiy filmlarda rejissyor yordamchisi. Eng yaxshi filmlari: «Komiljon Otaniyozov kuylaydi», «Shashmaqom», «O’zbekiston san’ati», «Sharqning yetti go’zali», «Oyqulash», «Ohanglarda qalb harorati», «Oybek», «Nabi G’aniyev», «Afsonaga aylangan ism», «Sato» va boshqalar.