ME’YORIY NAFLILIK

ME’YORIY NAFLILIK — har bir keyingi xarid qilinayotgan tovar va xizmatlarning iste’molchi uchun keltiradigan orttirma nafi. Masalan, iste’molchi kutubxonasiga jahon klassiklari kitobini yig’adi. Kutubxonadagi hamma kitoblarning yig’indisi umumiy naflilikni tashkil etadi. U har bir yangi kitobni xarid qilishi bilan ortib boradi. Me’yoriy nafni har bir xarid qilinadigan, aytaylik, Furqat asarlarining navbatdagi kitobini xarid qilishdan kelgan naf tashkil etadi.