AKUSTIK FILTR

AKUSTIK FILTR — ma’lum takroriylik (chastota)li tovushni ajratib utkazadigan yoki yutib qoladigan akustik qurilma. Eng oddiy Akustik filtr— akustik rezonator. Akustik filtr nazariyasi elektr filtr nazariyasi asosida ishlab chiqilgan. Boshlang’ich takroriylikdan ma’lum takroriylikkacha bo’lgan barcha tovush tulqinlarini o’tkazadigan Akustik filtr past takroriylikli, ma’lum takroriylikdan yuqori tovush to’lqinlarini o’tkazadigan Akustik filtr yuksak takroriylikli va past takroriylik bilan yuksak takroriylik orasidagi tovush to’lqinlarini o’tkazadigani polosali Akustik filtr deyilib, u past va yuqori takroriylikli Akustik filtrlardan iborat bo’lishi mumkin. Akustik filtr shovqinlarni kamaytirish maqsadida texnikada, me’morchilik va qurilishda keng tatbiq qilinadi (masalan, avtomobil so’ndirgichlari).