ALIMUHAMEDOV SULTON NURMATOVICH

ALIMUHAMEDOV SULTON NURMATOVICH (1929.1.1, Toshkent) — agronom-entomolog, O’zbekistonda xizmat ko’rsatgan fan arbobi (1981), biologiya fanlari Doktori (1976), professor (1980), Toshkent qishloq xo’jaligi institutini tugatgan (1950), shu institutda assistent, dotsent (1950-61), zoologiya va entomologiya kafedrasi mudiri (1961-65). O’rta Osiyo o’simliklarni himoya qilish ilmiy tadqiqot instituti direktori (1965— 92), 1993 yildan shu institutda bo’lim mudiri. O’zbekiston entomologlar jamiyati raisi (1970 yildan). Alimuhamedovning ilmiy ishlari paxta va don mahsulotlarini akoroid kanalar va boshqa zararkunandalardan saqlash tadbirlari, biologik himoya usullariga bag’ishlangan.