Basiley, Basilevs

Basiley, Basilevs (yunoncha basileus)-1) Pilos bitiklariga ko’ra, Miken davrida kichik qishloq hokimi; 2) Gomer dostonlarida-qabila yoxud qabilalar ittifoqi rahbari. Dastlab saylab qo’yilgan, so’ngra hokimiyat meros bo’lib o’tgan; 3) Sparta shohlarining ikki unvonidan biri; 4) Afinada dastlab qabila yoxud qabilalar ittifoqi boshlig’i, so’ngra 2-arxont; 5) yunon va makedon shohlarining ellinistik mamlakatlaridagi unvoni, umuman, yunon adabiyotida shohni anglatuvchi atama; 6) Vizantiya va Rim imperatorlarining Avgustdan boshlab olgan unvoni.