Vari

Vari (Lemur varius) — makilar (Lemurlar) urug’ining bir turi. Madagaskar o’rmonlarida katta poda bo’lib yashaydi. Bo’yi 0,6 metr, dumi 0,6 metrcha. Vari bu uruqqa kiradigan turlar ichida eng yirigi. Tanasi qalin oq-qora jun bilan qoplangan. Boshi va bo’ynining ikki yonida uzun junlari bor. Rangi har xil: ba’zilarida oq jun, boshqalarida esa qora jun ko’p, hatto, tamomila oq yoki qora junlilari ham uchraydi. Turli mevalar bilan oziqlanadi.