Ozarbayjon Fanlar Akademiyasi

Ozarbayjon Fanlar Akademiyasi — Ozarbayjon Respublikasining oliy ilmiy muassasasi. 1945 yil SSSR Fanlar Akademiyasi Ozarbayjon filiali asosida tashkil qilingan. Boku shahrida joylashgan. Akademiyaning 6 bo’limida 29 ilmiy muassasa bo’lib, bular bir qancha ilmiy tadqiqot instituti, astrofizika rasadxonasi, Botanika bog’i, Respublika qo’lyozma fondi, Ozarbayjon xalqi tarixi muzeyi, Ozarbayjon adabiyoti muzeyi, kutubxonasi (1,3 milliondan ortiq asar) bor. Naxichevan va Ganja shaharlarida ilmiy markazlari mavjud. Bir qancha ilmiy jurnali, institutlarning asarlari va boshqa ilmiy adabiyotlar chiqaradi.