AMINOVA AZIZA

AMINOVA AZIZA (1929.7.4, Andijon) — O’zbekiston xalq artisti (1980). X. Aminovaning qizi. 1940 yildan Andijon teatrida. Taqdiri fojiali ayollar hamda onalar obrazlarini alohida mahorat bilan yaratgan. Asosiy rollari: Noznoz («Besh so’mlik kelin»), Mohim («Tohir va Zuhra»), Qumri («Nurxon»), Sanam («Aziz va sanam»), Xolisxon («Xolisxon»), Oyparcha, Uvaysiy («Nodira»), Poshsha xola («Onaizor»), Ona («Diydor») va boshqalar. O’zbek ayollariga xos fe’l-atvor, milliy xususiyatlar orqali qahramonning ichki dunesini ochib berish aktrisa ijro uslubiga xosdir. «El-yurt hurmati» ordeni bilan mukofotlangan (2000).