«ANDIJONKABEL» AKTSIYADORLIK JAMIYATI

«ANDIJONKABEL» AKTSIYADORLIK JAMIYATI — elektr texnika sanoati korxonasi, Andijon viloyatining Xonobod shahrida joylashgan. «O’zeltexsanoat» uyushmasi tarkibiga kiradi. 1985-94 yillarda «Andijonkabel» ishlab chiqarish birlashmasi. 1994 yildan hozirgi nomda va ochiq turdagi aktsiyadorlik jamiyati. Turli markadagi kabellar, elektr uskunalari va elektr tarmoqlari uchun simlar — mis, jez (mis va rux qrtishmasi), nikel simlari va simto’rlari, xalq iste’moli tovarlari ishlab chiqaradi. 1982-85 yillarda korxonaning 1-navbati, 1987 yilda 2-navbati qurilib, ishga tushirilgan. Korxonaning 2 navbati ishga tushirilgandan keyin quvvati yiliga 823 ming kilometr elektr simlari, 520 ming metr kvadrat simto’rlar ishlab chiqarishga yetkazildi. 1988 yilda Finlyandiyaning «Nokiya» firmasida tayyorlangan liniyalar o’rnatildi va yiliga 30 ming shartli kilometr shahar telefon kabellari ishlab chiqarish o’zlashtirildi. 1986 yilda korxonaning filiali bo’lgan Topolino ro’zg’orbop kabel mahsulotlari zavodi ishga tushirilgan.