ARDENNA OT ZOTI

ARDENNA OT ZOTI — og’ir yuk tortuvchi ot zoti. Belgiyaning Janub va Frantsiyaning shimoli-sharqidagi Ardenna tog’ligi rayonida (nomi shundan) chiqarilgan. Ardenna ot zotining tirik vazni 600— 700 kilogramm, balandligi 148-160 santimetr, ko’krak aylanasi 190-210 santimetr, pochasining yo’g’onligi 20-23 santimetr atrofida. Rossiyaga 19-asrning o’rtalarida keltirilgan. Ardenna ot zoti asosida rus og’ir yuk tortuvchi ot zoti hamda Boltiq bo’yi ot zoti yaratilgan. Avstriya, Vengriya, Argentina, Chilida ham boqiladi. Ardenna ot zoti tez etiluvchan, shuningdek o’ta chidamli, ozuqa tanlamaydigan otlardan hisoblanadi.