ASBEST-TSEMENT BUYUMLAR
ASBEST-TSEMENT BUYUMLAR — asbest va tsement qorishmasidan tayyorlanadigan qurilish materiallari. Listsimon, quvursimon xillarga bo’linadi. Tomga yopiladigan shakldor listlar va yassi plitalar hamda plitachalar turar joy, jamoat va ishlab chiqarish binolari tomiga yopishda ishlatiladi. Presslab tayyorlangan va presslanmagan naqshli pardozlash plitalari turar joy va jamoat binolarining yordamchi xonalarini pardozlashda, devor panellariga qoplashda ishlatiladi. Maxsus ishlarga mo’ljallangan buyumlarga ventilyasiya qutilari, issiqlik izolyatsiyasini mexanik shikastlanishlardan saqlaydigan yarim tsilindrlar, metropolitenning gumbazeimon elementlari va boshqalar kiradi. Quvursimon Asbest-tsement buyumlarga vodoprovod quvurlari (bosimli va bosimsiz), gaz quvurlari va o’tish kuvurlari kiradi.