Автор: Admin

Xemoz nima degani – ko’z kosasida yallig’lanish, qon dimlanishi natijasida vujudga keladigan ko’z biriktiruvchi pardasi (konyunktivasi)ning qalin tortishi.

Xilus, sut shirasi nima degani – qorin bo’shlig’ining limfa tomirlari bo’ylab ichaklardan ko’krak yo’liga oqadigan sutsimon oq (tarkibida yog’lari borligidan) suyuqlik.

Ximioterapiya nima degani – kasallik qo’zg’atuvchilarga qarshi spetsifik ta’sir qiladigan kimyoviy moddalarni zararlangan organizmga yuborish yo’li bilan xavfli o’smalar va infeksion kasalliklarni davolash usuli.

Ximus (shira) nima degani – ovqatning oshqozonda va ichakda qisman hazm bo’lishi natijasida hosil bo’ladigan yarim suyuq, gomogen, qaymoq yoki suyuq bo’tqaga o’xshash mahsulot.

Xirurg, jarroh nima degani – kasalliklar va shikastlanishlarni diagnostika usullari va xirurgik yo’l bilan davolash bo’yicha ta’lim olgan mutaxassis shifokor.

Xloroz nima degani – organizmda temir tanqisligidan kelib chiqadigan kamqonlik kasalliklaridan biri; organizmda temirdan foydalanish jarayoni buzilishiga bog’liq.

Xolera, vabo nima degani – ichak infeksiyalari guruhiga kiradigan, organizmning zaharlanishi va keskin suvsizlanishi bilan o’tadigan o’tkir yuqumli kasallik.

Xondrokaltsinoz nima degani – bo’g’im tog’aylarida kalsiy tuzlarining to’planishi. Giperparatireoz, gemoxromatoz, arkoptonuriya, akromegaliya va boshqa holatlarda, kalsiy almashinuvining buzilsihida ro’y beradi.

Xondromalyatsiya nima degani – tog’ay to’qimalarining odatdan tashqari yumshoq bo’lishi, yumshab qolishi; tog’aylarning egiluvchanlik va tanglik xususiyati yo’qolishi natijasida bo’g’imlarda deformatsiya va kamharakatlilik rivojlanadi.

Xondromatoz sustava nima degani – bo’g’im sinuvial pardasidan o’sib chiqqan, bo’g’imda kalsinatlar tugunchalar hosil qilgan, tog’ayda ko’plab o’choqlar ko’rinishidagi xavfsiz o’sma. Bu tugunchalar uzilib, bo’g’im bo’shlig’iga tushib kalsinozga olib keladi.