Автор: Admin

Ilmiy xodim-muayyan ilmiy tadqiqot muassasasi yoki ilmiy mavzusi doirasida laboratoriyada ilmiy faoliyat bilan shug’ullanadigan xodim.

Ilmiy unvon-oliy o’quv yurtlari o’qituvchilari va ilmiy tadqiqot institutlari ilmiy xodimlariga beriladigan unvon.

Ilmiy taxmin-muammoni yechishning taxminiy yo’lini ilmiy tasdiqlash usuli.

Ilmiy tadqiqotchilik faoliyati-ta’lim oluvchining mustaqil izlanish, muayyan ilmiy muammoni hal qilishga qaratilgan faoliyati.

Ilmiy tadqiqot institutlari-fan, texnika, ishlab chiqarish sohalarida ilmiy tadqiqot olib boradigan muassasa.

Ilmiy-ommabop adabiyot-xalq ommasi fan va texnika masalalari, yutuqlari hamda fan arboblari tarjimai hollari bilan tanishtirish uchun mo’ljallangan nashrlar (kitob, risola, jurnal va boshqalar).

Ilmiy tadqiqot-yangi bilimlar va nazariyalarni aniqlash jarayoni.

Ilmiy mavzu-tadqiqot uchun tanlangan mavzu.

Ilmiy kengash-oliy o’quv yurti va ilmiy tadqiqot muassasasining ilmiy va tashkiliy faoliyatiga rahbarlik qiluvchi hamda undagi asosiy masalalarni ko’rib chiquvchi boshqaruv tuzilmasi.

Ilmiy ishlanmalar bozori — ilmiy-texnikaviy ishlanmalar va turli loyihalar oldi-sotdi qilinadigan bozor, bozorning yirik segmenti.