Автор: Admin

Voyaga yetganlar-shaxsning turli sohalarda mustaqil harakat qilish, ijtimoiy munosabatga kirishishga loyiq yoshga yetganligi.

Viktorina-o’quvchilarga o’quv materiali yuzasidan jumboqli topshiriqlar berishga asoslangan mashg’ulot turi.

Vizual-(ko’rgazmali) vositalar-doskadagi yozuv. Geometrik tasvir, tarqatma material, o’quv plakati va fotosurat.

Vijdon-axloqiy tushuncha, yaxshi-yomonning farqini ifodalaydigan ichki ishonch, shaxsning xatti-harakatlari uchun axloqiy mas’uliyatni anglashi.

“Videotopishmoq” metodi-turli axborot vositalari (kompyuter, televideniye, radio, nusxa ko’chiruvchi qurilma, slayd, video va audio magnitofonlar) yordamida ta’lim jarayonini tashkil etish va o’quv topshiriqlarini taqdim qilish.

Vertikal pedagogika-yuqori sinf o’quvchilarining quyi sinf o’quvchilariga yordam ko’rsatishni hamkorlikda tashkil etish shakli.

Verifikatsiya qilish-muayyan o’quv fanlari doirasida matn ustida ishlash usullaridan biri bo’lib, uning yordamida nazariy qoidalar haqiqiyligini tekshirish va tasdiqlash amalga oshiriladi.

Verifikatsiya (lotincha verus-haqiqiy va fakio-bajaraman)-mantiqdagi tushuncha. Bunda fanning nazariy qoidalarini kuzatilayotgan ob’yektlari, hissiy ma’lumotlar, eksperimentlarga taqqoslash yo’li bilan ularni tekshirish, tajribaviy tasdiqlash tushuniladi.

Verbal muloqot shakllari-so’z, ma’ruza, suhbat, savol-javob, nasihat, munozara, bahs, xabar, tabrik, tanbeh, salomlashish-hayrlashish kabilardan iborat muloqot turi.

Verbal-insonning tovushli nutqiga aloqador jarayon.