Автор: Admin

Nimfa — g’umbak bosqichiga ega bo’lmagan ba’zi umurtqasiz hayvonlarning balog’atga yetmagan (tuxumdan chiqqan) davri.

Nikotin — tamaki barglarida uchraydigan alkaloid. Asab tizimiga ta’sir qiluvchi kuchli zahar.

Niasin — nikotin kislotasining amidi, RR vitamini. Nikotinamidli fermentlarning kofermenti. Bu vitaminning yetishmasligi pellagra kasalligini рауdo qiladi.

Noosfera, idrok doirasi – biosfera rivojlanishining eng yuqori pog’onasi. Bunda odam aqliy faoliyati biosfera rivojlanishining asosiy оmili bo’lib qoladi. V.L. Vernadskiy atamasi.

Neytrofillar — leykotsitlarning bir xili. Ularning donachalari nа kislotali, nа asosli bo’yoqlar bilan bo’yalmaydi. Chunki ular neytraldir.

Neyrotropizmlar — asab tizimida biron-bir parazit yoki moddaning to’planishi.

Neyroregulatorlar — asab uchlaridan ajralib chiquvchi kimyoviy mediatorlar bo’lib, nisbatan uzoqroq masofaga tarqaladi; atrofdagi juda ko’p hujayralarga o’z ta’sirini ko’rsatadi.

Neyromediatorlar — asab hujayralari ishlab chiqaradigan va juda qisqa masofada o’z ta’sirini ko’rsatadigan kimyoviy moddalar. Neyromediatorlar faqat bitta nishon – hujayraga ta’sir qilish xususiyatiga ega.

Neyrogormonlar — maxsus nеуrоnlаr ishlab chiqaradigan fiziologik fаоl moddalar. Ular qon yoki to’qima suyuqliklariga o’tib, gormon vazifasini bajaradi; tuzilishiga ko’ra peptidlardir. Ba’zilari katexolaminlarga kiradi.

Neyrofizinlar — nеуrоnlar tanasida sintezlanuvchi oqsil moddalar. Neyrogormonlarning ko’chirilishida ishtirok etadi.