Автор: Admin

Xronometraj – xronometr yordamida ish jarayonini o’rganish.

Xomaki yo’nish – kesish yo’li bilan ishlov berilgandan so’ng, istalgan shaklni berish.

Xomaki – tugallanmagan, jarayondagi bir ish, qorala.

Xomakash – qoralama, xomaki, dastlabki reja.

Xom ashyo – keyinchalik sanoatda qayta ishlash uchun mo’ljallangan material. Masalan: dastlabki xom ashyo va hokazolar.

Xom g’isht – somon yoki boshqa tolali o’simlik materiallari qo’shilgan loydan qilingan g’isht.

Xom – tugallanmagan, mahsulotlar haqida: qaynatilmagan, qovurilmagan, pishirilmagan.

Xoll – binolarga kiraverishdagi keng dahliz.

Xoka – mayda kukun. Axta qog’ozi ustidan xoka bosib naqsh shakli bezatiladigan sirt, yuzaga tushiriladi.

Xoda (g’o’la) – yo’nilmagan, yo’g’on, uzun yog’och, katta daraxtning shox-shabbalari kesib tashlangan tanasi. Masalan: yo’nilgan xoda, qirralangan xoda, ikkiga bo’lingan xoda va hokazolar.