Автор: Admin

Ora – ikki narsa orasidagi masofa, ustunlar orasi.

Ondulin – tolali to’ldirgichga ega bo’lgan to’lqinsimon ko’rinishdagi yassi tom yopish materiali. Ondulin tarkibida asbest mavjud emas.

Ombur (ombir, yassi jag’li) – simni bukish, manipulyatsiya qilish va kesish uchun mo’ljallangan yassi jag’li asbob.

Omborchi – ombor ishlarining aksariyat qismini bajaradigan ombor xodimi.

Omborxona – oziq-ovqat, asbob-uskunalar, xom ashyo va boshqalarni saqlash uchun xizmat xonasi. Masalan: yuk omborxonasi, asbob-uskunalar omborxonasi va hokazolar.

Ombor – xo’jaliuk narsalari, jihozlari saqlanadigan xona, bino.

Oldindan belgilamoq – bir ish bajarishdan oldin belgilab olmoq, o’lchab chiqmoq va hokazolar.

Oldindan (avvaldan) – hamma narsadan oldin, avvaldan. Masalan: oldindan zo’riqtirilgan, avvaldan aralashtirilgan, oldindan yig’ilgan, oldindan zichlamoq (shibbalamoq) va hokazolar.

Old tarafi bo’yalgan yog’och tolali plita – ishlab chiqarish jarayonida presslashga qadar old tomoni rangli bo’yoqlar bilan shimdirilgan yog’och tolali plita.

Old vrubka – bitta elementi boshqasiga burchak ostida birikkan vrubka.