Aznaurlar

Aznaurlar (gruzincha)-gruzin oqsuyaklar (bu nom V asrdan iste’molda bo’lib kelgan). Podsholar, knyazlar va cherkov oqsuyaklariga bo’lingan. Avloddan-avlodga o’tib kelayotgan va davlat xizmatidagi Aznaurlar o’zaro farqlangan. Xususiy yerlari bo’lgan va majburiy harbiy xizmatni o’taganlar. Rossiya Gruziyani bosib olgach (XIX asr boshlari), Aznaurlar rus dvoryanlari huquqini olganlar.