BADE SAMARQANDIY

BADE SAMARQANDIY (Muhammad Bade ibn Muhammad Sharif Samarqandiy) (1641, Samarqand — ?) — o’zbek shoiri va adabiyotshunosi. «Maleho» taxallusi bilan she’riy asarlar yozgan. Uch yillik sayohat natijasida «Muzokir ul-Ashob» («Suhbatdoshlar zikri», 1692) nomli tazkira yaratgan. Tazkirada 17-asrda Movarounnaxr va Eronda yashagan 203 shoirning ijodi va hayoti haqida ma’lumot beriladi, asarlaridan namunalar keltiriladi. Ad.: Abdullayev I., Hikmatullaev X., Samarqandlik olimlar, T., 1969.